Frå industrimonument til regional kraft: Kva kan vi lære av Kunstsilo?

Den gamle kornsiloen i Kristiansand har vekt internasjonal merksemd for den monumentale transformasjonen frå industribygg til kunstmuseum, og mottok tidlegare i år DOGAs Hedersmerke – den høgaste utmerkinga for design og arkitektur i Noreg. 

Men kva skal eigentleg til for å skape eit prosjekt som dette? Kva rolle spelar arkitekturen, og korleis bidreg interiørarkitektur, grafisk design og utstillingsdesign til å løfte den arkitektoniske idéen? Og kva skjer når eit kulturbygg blir meir enn eit bygg – når det blir ein motor for byutvikling, reiseliv og regional identitet? 

På dette seminaret tek vi deg med bak kulissane i eit av dei mest ambisiøse transformasjonsprosjekta i norsk arkitekturhistorie. 

Du får møte menneska som stod bak visjonen, dei arkitektoniske vala og samarbeidet på tvers av designfaga. Vi løftar også blikket og ser på kva Kunstsilo har betydd – ikkje berre for Kristiansand, men for Sørlandet som kulturregion og reisemål. 

Gjennom innlegg og samtalar spør vi: 

• Kva gjer ein transformasjon vellukka? 
• Korleis speler ulike designfag saman for å skape ei heilskapleg oppleving? 
• Kan eitt bygg endre korleis vi ser på ein stad? 
• Og kva kan andre kommunar, utbyggarar og kulturinstitusjonar lære av Kunstsilo? 

• arkitektar, landskapsarkitektar og interiørarkitektar 
• designarar innan grafisk design, interaksjonsdesign og utstillingsdesign 
• utbyggarar, entreprenørar og eigedomsutviklarar 
• kommunar og offentlege verksemder som arbeider med stad- og byutvikling 
• kulturinstitusjonar, reiselivsaktørar og destinasjonsselskap 
• alle som er opptekne av korleis design og arkitektur kan skape verdi – langt utover sjølve bygget 

Velkommen til ein inspirerande ettermiddag om arkitektur, design og samfunnsutvikling – og om korleis eitt bygg kan bli starten på ei større forteljing.